" دعوة للحيـــــاة "...... بقلم الأديب الشاعر / محمد البنا

أنا إنســــان
ورافض أكون ف لحظة ملاك
ورافض أكون مارد أو جان
ف كوني زيي إنسّـــية
لا جنّيـــة ولآ م الحور
مشاعري زهور ومشتاقة
.....ل حنّيــــة
ف مدي الرمش / حاوطيها
كوني ليها/ حنان وأمان
أنا إنسان ومحتاجلك
يا إنسّية
كما العطشان يدوق ميّه
كما البردان ف شتوية
ل نظرة عين
كما الحرّان ف ليلة صيف
للمسة إيد / تمس إيديه
وتسري فيه
ف يزداد نااااااار

كما المحتار ف تيه صحرا
ل نبضة قلب تشعر بيه
...وصدر حنون
مانيش مجنون
أنا عاشق عنيكي السود
ف خبيني ف أوردتك
...ف شرايينك
ما بين رمشين
ودفّيني
وكوني الكون قصاد عيني
بأحسّك أه ف وجداني
فكوني بين دراعيني
...كما الأمواج
أنا محتاج أجوع أكتر
مانيش معصوم...مانيش معصوم

............

محمد البنا