كلمتين ... على بالى فاتوا
صحوا قلبى ... من سكاته
وابتدا يسأل ...... حبيبي
عامل ايه بعدى ف حياته ..؟!!
لسه فاكر ... شئ جمعنا
وللا شاف للبعد .. معنى
غير عذابه ... ونار غيابه
حد غيرنا .... دق بابه ؟!!
وللا عاش على ذكرياته ..؟!!
وانت ليه وازاى .. حايشنى
اصله م الآخر ... واحشنى
ايه ظروفه .. نفسى اشوفه
واحضن الفرحة .. ف كفوفه
ييجى ويعوض مافاته ..!!
قوله لو ع الشوق مسامح
قوله طول .... البعد جارح
قوله يرجع ... هجره يوجع
كلمتين .... والعين بتدمع
قوله دول جرحين وماتوا ..!!
كلمتين اتنين ... وراحوا
صحى نار قلبى وجراحه
صحوا غيرة .. حاجات كتيرة
سابنى طول الليل ف حيرة
وانت مش سامع آهاته ..!!
..........
سعيد شكري