حاسس بخنقة
شيء مريب
جوايا ساكن
دخان غريب
ريحة شياط
صوت العياط
غزل البنات
أصبح هشيم
انا حد تاني مااعرفوش
ماشفتهوش
انا حد من زمن السراب
انا نفسي مكتوب في الغياب
مفقود من الزمن الجميل
من غير صحاب
من غير أدين تتمدله
الكل عايز يقتله
حتى الضمير
مابقاش يغير على جتته
الكل ناوي يفتفته
راجع يا ناس آخر النهار
لقى خلق تاني
ف حتته
مولود جديد
لكنه شايب من زمان
مات الضمير
ضاع الأمان
الكل خان
حتى انا
أصبحت مدمن للخداع
الكل باع
من غير تمن
بصرخ وأقول انا الف اه
من غدر ناس لاتؤتمن
بس الحقيقة الواضحة
انا حد تاني مااعرفوش
...........
عبد التواب الرفاعي