هو انت عشان بتطير من فوق
هتخللي الكل ف لحظة شوق
وبقالك ناس
من كل مقاس
وف ايدك ورقة وكام كراس
هتعدي علينا وما تشوفناش
وبتيجي ف حلم ماتعرفناش
وقلوعك فاردة وما بتنساش
حبك في القلب لا راح ولا جاش
يا ما ظلمك غطي ظلام الليل
وبحورك فاضت ع الجنبين
عامل مرتاح
وشايف أفراح
وكفاية عليك تكتب حرفين
طب ليه ماتقولش مكانك فين
ولا قلبك راح وياك على مين
لاتكون حاسس بوجع وجروح
أو راكب جوة سفينة نوح
************
عبد الله مطر