أنا قولت نحب يا قلبى
فقال خلينا ف حالنا
ما بنحبش
أصلنا فى الحب جداد
وتقال لو نغطس سوا
فيه مانقبش
أما انت يا قلبى طلعت جبان
من سيرة الحب
بتتلبش
مش كنا زمان عاملين جدعان
وبننزل فى البانيو
نضبش
........
أنا نفسى أحب
وادوب فى الحب
وسيرة الحب تلوعنى
واعشقلى صبية
وتعشق فيها عيونها
شقية تولعنى
أسهر واحتار ويا الأفكار
والشوق جوايا
يقطعنى
وأبات سرحان
فى الهوى غرقان
فتجينى الحلوة
تطلعنى
....
ياللى إنتى الخمرة فى شفايفك
وحبيبك ملهوف عطشان
إسقينى حنانك من طرفك
خلينى بحبك سكران
واشجينى بصوتك يسحرنى
ماهو صوتك تغريد كروان
الدنيا ف قربك مش دنيا
يا حبيبتى دى جنة رضوان
............
هشام الدشناوى