انا ليه في الدنيا بقيت هامش
لاانا ميت فيها ولا عايش
محسوب عالخلق لكن مش خلق
انا حاجه غريبه ف وسط الخلق
انا سطر وخانه في قلب بطاقه
مركون عالرف ماعنديش طاقه
اني اصرخ واثبت ان انا حي
انا نور محبوس في خيوط الضي
انا طير وبطير لكن عالارض
وسمايا وارضي مخاصمين بعض
وانا زيي كتير وف كل مكان
حطونا في سجن اسمه الانسان
مافيهوش سجان مافيهوش جدران
مافيهوش غير ناس واقفين في الضل
خايفين عالنور لا ف لحظه يضل
مع ان النور ف الاصل ما جاش
وبلاد النور شايفينها طشاش
والسجن خنيق عمال بيضيق
ولا فيش احساس ولا بلة ريق
عايشينها حياه كده بالتنقيط
ورغيف العيش بقا بالتقسيط
...............
السيد مصطفى