غيروا لينا الخريطة
ضيعوا منا التاريخ
علمونا نعيش في زيطة
في الشتا ويا الخريف
عملونا ازاى نخاف
لقمة العيش تبقى حاف
واللي جاى قد اللي رايح
والغايب زى اللي شاف
خربوا احلامنا فينا
والسنين صارت عجاف
علمونا ازاى نعيش
لبسونا خيش وريش
بس نسيوا يعلمونا
اننا ما بنختشيش
عرفونا كيف هنشقى بدون
فلوس
وان رزقك لسه مكتوب في
الناموس
وان زادك بس عيش وبدون
غموس
وان عرقك راح لغيرك
هو من حق اللصوص
علمونا ازاى تحب تكون
فقير
وان فقرك مش سقيل
وان ظلمك شيء يسير
وان قلمك يبقى دايما
مستنير
علمونا كتير حاجات
البكا ويا السكات
وان حقك مش هيرجع لو
قاسيت
وان علمك رغم جهلك شيء
بسيط
وان عملك يبقى محتاج
الوسيط
وان دمعك مش هينزل
حتى لو بحرك غويط
اوعي تحكي لحد خوفك
او تخللي الغير يشوفك
او تقاسي في المآسي
او تقول انا كنت ناسي
علمونا ازاى نطاطي
نلحس المركوب يوماتي
علمونا النيل بتاعنا
واننا ولاد الفراعنة
وان عنتر كان يوماتي
يصحى ويبوس الأيادي
حفظونا التعليمات
واللوايح والآيات
خللي عينك تحت منك
خللي راسك تحني ضهرك
خللي ايامك تشيلك
والضنى هيكون قتيلك
ما تقاوحشي ويا سيدك
وما تشاورشي ولو بايدك
اوعي تغلط مرة وتقول
انكويت
او تصرخ او تطالب يوم
ببيت
كل ده محسوب عليك
وانت راضي باللي ليك
مش هتنضف حتى لو
كنت الغفير
مش هتلبس الا هدمة زى
أولاد الفقير
ومش هتضحك الا لما
تبقى وحش بدون ضمير
**************
عبد الله مطر