اللي تايه بين ضلوعه
نفسة يلقي ف يوم حبيب
والبعيد عن ربه عايز
يلقي نفسه ف يوم قريب
العلاج قدام عيونكم
سهل مش عايز طبيب
قوموا صلوا علي الحبيب
اللي شايل فوق كتافه
هم مش قادر عليه
واللي خايف من ذنوبه
جاي بيسأل اعمل ايه ؟
العلاج قدام عيونكم
سهل مش عايز طبيب
قوموا صلوا علي الحبيب
واللي نفسه ف قرب طه
كل روح تبلغ منها
تنسي هم الكون وراها
لو تصلي علي الحبيب
قوموا صلوا علي الحبيب
ياللي عايز يتغفرلك
يوم حسابك كل ذنبك
اعلن الاخلاص بقلبك
تلقي رب الكون مجيب
لو تصلي علي الحبيب
اللي محروم لبتسامة
واللي مش لاقي الكرامة
عند ربك فيه قيامة
والنجاه حب الحبيب
قوموا صلوا علي الحبيب
.............
هاني عبد الوهاب