الشعر خاصمنى بقاله زمان
رغم انى ساعات بافرح بجنان
رغم انى يا ناس على طول حزنان
يمكن خاف منى وقال مجنون؟!!
إزاى!!
ما الشعر جنان
والشاعر إما لسان...
بيطول الكل ومابيهمدش
أو إنه يعيش العمر جبان
مخنوق..
مرعوب من سوط سجان
ولا قلبه يحس بندهة رعشة رمش
مايكونش؟!!
ما يكونش خايف يصبح أشلاء
ويخش الصف مع الشهداء
أو إن حروفه تسيل بدموع
ولا عدش..
ولا عدش هيكتب حب غرام
أو فخر هجاء
يا حرام
أغراض الشعر فى مصر خلاص
مش فاضل منها.... إلا رثاء
..........
ناصر صلاح