خدت قرار من فتره يا عالم
اني اجرب انشر شعري
لميت كل قصايدي ف ايدي
وعلي جرانينا طلعت انا دوغري
قلت اجرب يمكن تضرب
يمكن اغير حظي الفقري
كل ما اروح جرنان ياخوانا
القي الامن واقفلي عزول
اقوله يا سيدي انا عندي قصيده
يقولي سلامتك خد محلول
اقوله ارحمني وسيبني اقابل
ايها حد يكون مسئول
يقولي اتنيل واحمد ربك
واشكر فضله اني قابلتك
مسئول مين دا اللي انتا تقابله
هو الراجل كان من عيلتك
ياللا يا خو يا سيب تليفونك
وابقي قابلني لو كلمتك
لميت شعري وخدت انا بعضي
وجاتلي ياعالم فكره لذيذه
فجأه لقيتني داخل ورشه
وخارج منها شايل ترابيزا
موقف تاكس بقوله ياباشا
خدني قوام لميدان الجيزه
جنب عامود حطيت ترابيزتي
وحطيت مفرش فوقها كمان
جبت الجردل رشيت ميه
وجبت منشه للد بان
حطيت يافطه مكتوب فيها
اي قصيده بجنيهان
ولسه يادوبك حابدأ ابيع
واملا جيوبي بالنقديه
فجأه لقيت الدنيا اتقلبت
ولقيت عالم جايه عليه
واما سألت في ايه يا خوانا
ردوا عليه دي البلديه
خدت انا د يلي يا ناس في سناني
وفضلت اجري لحد المترو
حطيت نفسي في اول قطر
وفجأه لقيت الركاب كترو
قلت دي فرصه دي احسن حته
الواحد يعرض فيها شعره
قمت بسرعه وعليت صوتي
قرب قرب شوف واتفرج
جالك شاعر عنده مشاعر
مش بيهرتل ولا بيهرج
حط صوابعك جوه جيوبك
طلع منها الفكه وخرج
نص جنيه اوحتي جنيه
اشتري بيه احلي قصيده
شعر سياسي شعر غنائي
والاشعار بتاعتنا جديده
اشعار طازه فيها لذاذه
خد بزازه عليها قصيده
قرب قرب شوف واتفرج
متع روحك بالاشعار
انسي همومك وابدأ يومك
واوعا تفكر ف الاسعار
مانا قدامك عايش راضي
وبابيع شعر جايبلي العار
..................
السيد مصطفى