( حمــــــــــــــــاتــي ) بقلم : حازم سعيد ( أبو عبدالله )

حماتي بحــب فيهــا

طيبــة قلبهــا
لو آلِف الكون بحاله
مش هلقى زيها
أنا بيتي حيطانه ثابته
بأصالة بنتها
عشان سقياها طيبة
بتجري فـ دمها
ماهيِ كل شجرة لازم
بتطرح أصلها
وعمر ما شجرة مايله
هيفلح طرحها
أصل اللي بتاخـده منها
هـو فرعهـا
تملّي حالـه مايــل
ومروي منّهـا
تسقيـه ود ومحبـه
هتحصــد مرّهـــا
لكن لو شجرة ثابتة
هتعيش فـي ضلّها
وعيالك ياخـدوا منهـا
أصالـة طبعهـا
وتعيـش العمـر كلّه
ماتنسـى فضلهـا
..............
بقلم : حازم سعيد ( أبو عبدالله )