ولا تعرفى ولا حتى عندك امكانيّة
تساوى قلبى ف الغرام
الهوى مش بس كلمة
الهوى افعال ونيّة وصدق
وشوية هيام
وانتى حبيبتى سيمفونية باعزفك
على كل أوتار المشاعر
ميت مقام
قلبى اللى عازف عن حياته كلها
نازف بحبك ألف عام
شعرى اللى ضيّع ف المعانى كام سنة
كداب برغم المتن رغم العنعنة
ماهو قبل منك يا حبيبتى
قلمى كان عايش حرام
كان منحرف ولا عمره حج ولا ركع
ولا عمره صام
تاب القلم
بركة دعاء العاشقين السارحين الهائمين
السائرين على درب اصحاب المقام
الواقفين على باب جناب سيدنا السهر
كل اللى نادرين القمر يوم التمام
يا سيدة يا منجده يام القصيدة معيّده
ياخت الأمل يابنت أحلام الرضا
يا مجدده للشعر فى أصل الكلام
بتقولى حبيتك قوى اكتر ماحبك مسنى
فين القياس ؟
انا قلبى جبك مجتهد
وانا اصلى هايم يا حبيبتى ف كل واد
شاعر وحكمة ربنا انى اعشقك
وانك تكونى مذهبى
سيدنا النبى قال ف الصحيح
استوصوا خيرا بالنساء
وانتى حبيبتى كلهم
واحسن مافيكى ان انتى
مش من طين بشر
مخلوقة من حاء وباء
عينى ف عينك واثبتى
ان انتى من حواء
الله أكبر ع الهوى لما هوى قلبى ف هواكى من علِ
من فوق جبال العشق
فى وادى الرجاء
صبحت حياتى سنبلة فيها ألف حبة
وبالمحبة حبة حبة نرتقى
والله يضاغف ياحببتى لمن يشاء
..............
حمدي موسى