باحبك نفسى اقولهالك بشكل جديد
وارددها
وافسرها على كيفى بفهم رشيد
وافندها
واغير فى معانيها اقول وأعيد
وازودها
واشبك روحى ف حروفها
وآخدها لقلبى من إيدها
واحنيها واغنيها بكل مقام
وارتلها واجودها
يا كلمة واخدة منى راءات
يا مطبوعة على جبينى..ومقروءة ف تكوينى
ومسموعة ف تلحينى.....
بتسكرنى عناقيدها
بتغرى كل من شافك
برغم انك بلا عورات
ولولاكى لكان فلس بتوع الشعر والروايات
يا اصل الضحكة والفرحة وتقليدها
يا تكوين الجسد والروح
باحبك فى الدرى بوضوح
انا المستور ورا عشقك وانا المفضوح
يا دبحانى فى يوم عيدها
باحبك وانتى جوايا حديث وآيات
وشيخ الشعر فهمنى اقول ابيات
وعلمنى السبع قراءات
ومد آهات سبع حركات
بطول العشق يفردها
رواية شعرى عن عينك وانا هيمان
رواية عمرى عن سرى وانا ولهان
رواية قلبى عن شوقه فى كل اوان
رواية نفسى عن غلطة عشان إنسان
رواية شوقى عن نظرة لكن بحنان
رواية لمسة عن إيدك أكون إنسان
رواية حلمى عن بكرة و اموت فرحان
باحبك ثورة جوايا مانيش عارف
اعاندها
ولا عارف ........مواعيدها
ولا عارف أسيب الملك لعنيكى
ولا عارف......... اراودها
بحبك مووووووووووت
ومش عارف فوايدها
................
حمدي موسى