"بحبك عود سريس أخضر يبل الريق"
بحبك قرش ينفعني في وقت الزنقه.
.وقت الضيق
بحبك لقمه على جوعه
في وسط طريق
بحبك وجبه كنتاكي
بتحمي المعده
م التزيييق
بحبك قشه تنقذني في ساعة لما بابقى ..
غريق
بحبك حب رباني ماهوش بدره
ماهوش تزويق
بحبك جدعه رغم انك بقلب رقيق
بحبك بس باتضايق
من اللمه من المخاليق
ساعة ما القاكي وسطيهم
بحس جوا مني حريق
وتيجي تقولي يا حبيبي
بجد انت صبحت خنيق
عشان اللمه دي ياروحي
مجرد بس اخ صديق
اصدق وارجع اندهلك واقولك
ويا قلب جريئ
بحبك حب م الآخر ملوش
في اللف والتلفيق
وبحلم بيكي يا حياتي ..
لكن واللهِ حلم بريئ
بحبك رغم ان انتي... بكل بساطه سبتيني
وسبت البوست وحداني
بدون لايك ..... ولا تعليق
...............
محمد محمد الساعي
محمد محمد الساعي