البنت القاعده ف اوضتها
وبتقزقز لب
وبرغم بيبانها وقفلتها
على راسها ايشرب
والرف العالى بيجبرها
تفرد وتشب
لو عازت حاجه ف شنطتها
تدلق وتكب
تصبر على اخوها ومامتها
وزعيق الاب
وبتهمس وتوطى ف صوتها
لو فيه ناس غرب
وتقول على دمعة صاحبتها
كان موقف صعب
ولسانها يسكت لجارتها
ومن جوه يلب
موبايلها جنب مخدتها
وما تبطل لعب
وبترمى لحافها من فوقها
وتنام بالجنب
تسمع صوت كاظم يسحرها
ويدوب القلب
الحب يداعب احساسها
وتخاف م القرب
تتحب ليلاتى ف احلامها
من اجمل شب
وتدوب ادامه ف كسفتها
وتهرب لتحب
.................
عماد الشاعر