انتي ياحلم السنين
انت ماشية ورايحة فين
لو مشيتي والا غبتي عن حياتي
هاعيش لمين
********
دا انتي جوة القلب
أشواقه وحنانه
وانتي احساسي
اللي انا مخلوق عشانه
انتي روحي
والزمن لو عاد زمانه
هاتلاقيني باعشقك عش السنين
لو مشيتي والا غبتي عن حياتي
هاعيش لمين
******
د احنا روح بتحب روح
والسما شهدت لنا
والنجوم ويا القمر
شافوا الأماني في حبنا
حتى الطيور فوق الشجر
من فرحها غنت لنا
من كل قلبي باعشقك
والقلب دايب م الحنين
لو مشيتي والا غبتي عن حياتي
هاعيش لمين
..............
محمود الشريف