إني بحبك
معناها إني بحبك إنتي
سرحانة ف إيه ؟ مشغولة بمين ؟
أيوة انتي وبس اللي بحبك
والله انتي
ومافيش غيرك داخل قلبي
سكان تانيين
انتي مدينتي وانتي سفينتي
وانتي اللي هواكي بيتحرك
جوا الشرايين
يندهلك من جوا قصايدي
شوقي الملهوف
وقصايدي دي إحساس من قلبي
مش بس حروف
وانا قلبي بيفرح لو قلبك
يسمع ويشوف
ويحس بقلبي ويتهنا
ويبطل خوف
وباقولها قصاد كل الدنيا
وانا مش مكسوف
أنا لما باقول جوا قصايدي
إني بحبك
معناها إني بحبك إنتي
وانا لما باقول جوا قصايدي
إني كرهتك
فدا بالتأكيد مش ليكي إنتي
....................
هشام الدشناوي