أنا إللي بموت
في حبك موت
وبابصم لك
بعلو الصوت
واعظم لك
تحية فجر
------
وبدعيلك في ليلة قدر
في ليلة عيد يا قمراية
وضلايه في عز الهجر
-------
صبية والزمن شايب
أنا الغايب انا العايب
-------
أنا جايلك بكراسى
وقلمي وهمي
فوق راسي
ماتبكيشي
أنا راسي
-------
وراسي بمركبي
في حضنك
ما أنا إللي
نزلت من بطنك
شربت علامي
من رطنك
-------
كبرت وعشقي
كان نيلك
بغنيلك وأبكيلك
وأنا المحروم
--------
يا طول ليلك
يا رامياني
في بحر هموم
--------
يا قاتلاني
وفاتلاني
بحبل اللوم
--------
وبعد ما فجرك اتمطع
وكان حالف
يمين ما أطلع
وأهو شعشع
---------
وأنا عايز أفك الخط
وأتعلم فنون العوم
لأنا عارف ولا شايف
أنا الحاكم ولا المحكوم
------------
ناصر على توفيق
ناصر على توفيق