راضي بقليلي ...بقلم الشاعر المتميز / محمود وحيد

من يومى راضى بقليلى
ولا يوم شكتلك الامـــــى
شقيان نهارى وليلى

وف قلبى ساجن ملامــى
=============
من يومى راضى بقليلى
وخيرك لغيرى زكــــــايب
ازرع غيطانك ما تديلى
غير همى والدمع نــــــايب
===============
من يومى راضى بقليلى
وجبينى ليكى مداســــك
ابنيكى فتهدى حيلــــى
واعادى كل ال داســـــك
===========
من يومى راضى بقليلى
ووهبت روحى عشانك
شاورى انت بس و ناديلى
عينى تقبل بيبانـــــــــــك
==========
 من يومى راضى بقليلى
على بطنى شادد حبـــــالك
عشمان فى مرة تجيلى
وامسح دموعى بشــــــالك
.....................
محمود وحيد