شافنى الطبيب أهتم
وقال بشدة وحزم
لملم جراحك لم
خليك شديد العزم
وان جاك نكد أو غم
سد البيبان وارتاح
دا الريح بتحدف سم
والوحدة بنت الليل
أكبر دليل ع الهم
--------------------
ليه ؟ ع الزمن هتلوم
ايه ف الحياة بيدوم
دا لكل ظالم يوم
عند الكريم معلوم
فبسرعة صلى وصوم
وامسح دموعك قوم
صحي الأمل م النوم
ماتبتش يوم مهموم
مهما انكويت م الظُلم
-------------------
ليه ف البشر تحتار
ليه م الهموم تنهار
ليه تشكى م الأقدار
وتلالي ليل ونهار
لف الزمن أو دار
ربك حليم ستار
قادر قوى قهار
نجيَّ إبراهيم م النار
رغم إنه لحم ودم
--------------------
قادر قوى ينجيك
من كل شىء يإذيك
ومن المرض يشفيك
سبحانه عالم بيك
لو تقصده يكفيك
مهما كتر اعاديك
وعن العِباد يغنيك
ويرد حقك ليك
ترجع بفضله أشم
--------------------
يبقى أنت ياخواف
فهمنى ليه هتخاف
من شيء ف ذهنك طاف
عن غيبة الإنصاف
أو عدل صابهُ جفاف
دا النون وقبله الكاف
بينهم كتير ألطاف
تنحس مش تتشاف
تمحى الكدر والغم
ـــــــــــــــــــــــــــــــــــــــــــــــــــ
بقلم الشاعر : أحمد عبد الشافى أحمد
عضو نادى الأدب بقصر ثقافة المطرية
ايه ف الحياة بيدوم
دا لكل ظالم يوم
عند الكريم معلوم
فبسرعة صلى وصوم
وامسح دموعك قوم
صحي الأمل م النوم
ماتبتش يوم مهموم
مهما انكويت م الظُلم
-------------------
ليه ف البشر تحتار
ليه م الهموم تنهار
ليه تشكى م الأقدار
وتلالي ليل ونهار
لف الزمن أو دار
ربك حليم ستار
قادر قوى قهار
نجيَّ إبراهيم م النار
رغم إنه لحم ودم
--------------------
قادر قوى ينجيك
من كل شىء يإذيك
ومن المرض يشفيك
سبحانه عالم بيك
لو تقصده يكفيك
مهما كتر اعاديك
وعن العِباد يغنيك
ويرد حقك ليك
ترجع بفضله أشم
--------------------
يبقى أنت ياخواف
فهمنى ليه هتخاف
من شيء ف ذهنك طاف
عن غيبة الإنصاف
أو عدل صابهُ جفاف
دا النون وقبله الكاف
بينهم كتير ألطاف
تنحس مش تتشاف
تمحى الكدر والغم
ـــــــــــــــــــــــــــــــــــــــــــــــــــ
بقلم الشاعر : أحمد عبد الشافى أحمد
عضو نادى الأدب بقصر ثقافة المطرية