اوعاك تخون نفسك فى يوم
تصغر فى عين كل البشر
اوعاك تعيش براك ملاك
جواك عناد حقد وخطر
خليك طبيعي ف الحياه
غلطان فلازم تعتذر
خليك أمين رأيك عشان
رأيك أمان وجهة نظر
العلم بي غذي العقول
الجهل بي كف البصر
اما البصيره لو تموت
غاب الأمان اسود خبر
انصح لغيرك لك كمان
احمي السلام بين البشر
ارفع كرامتك ع الجبال
اوعاك تخاف او تنكسر
امشي ف طريقك مستقيم
ظاهرك وباطنك معتدل
ومادام ف قلبك شئ سليم
اصبر عشان جواك أمل
احزر كمان مشي الحريم
خليك كريم وصف الرجل
خليك امان وسط المكان
طالب سلام حب وعمل
سامح ف حقك لو يجوز
واكسر غرور حتى الجبل
خليك شعاع فرحه وضياء
بلسم نسيم انطق عسل
كمل طريقك بالنجااااح
اعبر حدود بحر الفشل
اوعاك تخاف الموت كتاب
والكل ليه حد وأجل
اوعاك تخون نفسك تعيش
بين الخداع بين الألم
جواك ملاك هيبان عليك
إنك طبيعي محترم
جواك شيطان هتشوف عذاب
هتعيش ف ثوب حد اتهزم
احمي ضميرك بالحياه
بين الشجاع وابن الكرم
خليك ف أهلك طوق نجاه
لازم يكون فيك العشم
عيش الحياه حر وبرئ
شهم وجرئ صاحب قلم
اوعاك تخاف طول الطريق
احزر تكون ناسي النعم
ازرع مابين الناس امان
اطلب سلام بين الأمم
الكل مخطئ فى الحياه
والتوبه مشروطه بندم
.............
ضياء الإدريسي