القلب قالب قالـــــقني
والعشق شابك مشابك
هو بعمايـــــله فالقـــني
ودُه ياخدني لمهالك
يامين تلاته ماطوعه
ولاعمري رايح ابارك
ربي خالقني مُحلق
وانت عاوزني ابقى بارك
2
للعشق القاه سابــــقني
يشاور لي ويقـــول تعــــالى
القيد.. ف رجلي رابقني
ياقلبي أصبحت عالــــه
3
ويلك يابو قلب مفجوع
يا للي قليبك ماشي بَك
اجتر همك من الجــوع
ولاحد يرحم مشيبك
4
فى كل بلوه ولك بــاع
ياعشق ممنون لجودك
زرعت ف القلب اوجاع
الله يرحم جدودك
5
لامم حواليك هنا انطاع
فاضيين ولا فيه مشاغــــــــل
وقلت والقــــول منطاع
نولك بأوبارنا شـاغــل
6
شايب قليبه مـولـــع
ياعشق يحرق مطنك
نابهُ وضرسهُ مخلّع
الموت هيخلف مظنك
7
حابب وعالعين وعالراس
ياعشق داقق حديدك
لكن منايا وكما الناس
مايمتش كمدا..... مريدك
8
عمار اخويا ولو جار
غير حبه قلبي ما شايف
ولاعمري عن حبه هندار
وأزوره حبوا وزاحف
كل البشر دول فشار
فروا ولازلت واقف
تكفيني من بين لخيار
ريتك...ياعماري عارف
صاحبت صاحب طلع ديب
غدار منحته ودادي
جعلته مني قريب
حلف ل ياكل ولادي
لكن انت للرحمة عنوان
بالحب تسألني مالك؟
وان قلت ياصحبي تعبان
يغمرني بالجود مالك
وان قلت منا لاقى إنسان
يشبه بفعله فعالك
قالوا عليا منافق
وب بُهجة المدح جالك
قام قال منافق منافق
ياعزولنا هو انت مالك؟
***
الشاعر عادل غتوري