من قصائدى بعد ثورة 25 يناير مباشرة
ماكانش أمين
ماقالش أمين
معاه كانت حروف اسمك
بتتمرجح شمال ويمين
وأكله العمر مش عارف
يفرق بين دامين ودا مين
ماقلتلك
وكان الرد : محلوله
نفصل يابنى نضاره
وانا رديت عليكى وقلت
ماينفعشى
دا كان يلزم له نضاره
وهو يادوب فى سنه أولى
ومش لعيونه دى لقلبه
تعبنا بنهبه وبسلبه
فضفنا الخمسه للعشرين
ومشرطنا قصد قلبه
ونفعت ياامه جراحتنا
لعبنا اللعبه براحتنا
وكان الملعب التحرير
نادينا كتير
وهو ياعينى مستهتر
عشان فيه م اللى كان بيننا
قالوا له احنا بنهزر
ففكرها هزار فى هزار
وماوقفشى قصاد تيار
ولما اللعبه قلبت جد
زعل جدا من الجزار
وقال له: حد سكاكينك
واطلع من شعور دينك
وخرب كل حاجه عمار
واكمن البعيد اهبل
عمل كل اللى قال له عليه
ومافلحشى
عشان كان عامله بالمندار
وبالمندار
وقع هوه
مافيش على مصرنا فتوه
وحقنا لو ماجاش بالذوق
أكيد هانجيبه بالقوه
وبالقوه
رفع ايده
لشعب ف حجم سيد سيده
ومش وحده
معاه الظلمه والفاسدين
وساب قصره اللى فى عابدين
لناس غيره
على الله يكونوا متعظين
وياخدوا الدرس والعبره
يقدروا شعب مش نايم
بيعرف تكة الابره
ويعتبروا
من المرمى كما الجربان
قعيد مشلول
وأمله كله من سجنه
تجيره فلول
وحق الشهدا ناخده منين
ياحضرة عمناالشملول؟؟
منين ماتقول؟؟
ماقالش البيه
ففضوها بقى سيره
وخللى المحكمه اللى تقول
شبعنا زمر ياساده
وبعنا وسطنا المخبول
شبعنا فطار وغدا بالفول
حلفنا مايبقى تالتهم يوماتى الفول
ومستورد باشعاعه
مع السرطان
فعفوا سيدى القبطان
اذا قلنا مالكش مكان
وان مكانك الفعلى
ومملكتك
ورا القضبان .
...........
شعر/ على جامع