كل أرض وليها فاسها
والتفاهه ليها ناسها
اكنسوا الشعر بمقشه
أي بيضه جوه عشه
حد لاعب في أساسها
قال لها شعرك يابيضه
أحلي من مصر الجديده
آدي جايزه ياحميده
بعدها تقلع ....... مداسها
اكتبوا الشعر بحواجب
وافردوا قلع المراكب
واكسروا الشعر ف سماعنا
هو كان النيل بتاعنا ؟
يحرم الشعر وعمايله
بحر جيل وبحر نايلوه
اللي كاتب اسطفندي
واللي بيعلق جمايله
الشواعر بالأماره
والعلام زي المحاره
قولي شعرك ياخياره
يالا حايلوا الشعر حايلوا
يالا قولوا الشعر قولوا
أصل عرضه زي طوله
إوعوا تهتموا بأصوله
الشفايف عامله بركه
فيها ساكنه فيها حركه
هي ساقفه ولا شركه
صدقوا الشعر المربرب
وامسكوا السلك المكهرب
أي شاعر لو حقيقي
حقه يزعل حقه يهرب
احنا حنبطل كتابو
وانتوا خليكوا ف شرابو
ريحه طالعه وريحه نازله
إكتبوا ..... كله بثوابو
..........
م. عطية شواش