ساعات أحسبها مغلوطة
واعدٍلها تروح منى
وساعة ألاقيها مظبوطة
لكن بردو بعيد عنى
*****************
ساعات أندهنى ما أسمعنيش
ولما أسمع أنادينى
وساعة أستغبى ما افهمنيش
ولما أفهم ما الاقينى
********************
ساعات افرح فأبكى كتير
واحس الدمعة فرحانة
وساعة ما ابتدى تفكيــــر
ألاقى الفرحة زعلانة
********************
ساعات اشتاقلى فابعتلى
وأرد عليا مش فاضى
ولما ازهق أقوم أروحلـــــى
واشوفنى لكنى مش راضى
**********************
ساعات أحلف ما اكلمنـى
ومهما حاولت ما اتصالح
وأعيش أيام مخاصمنـــى
واقول للروح ماليش صالح
**********************
ساعات وساعات لكن عايشين
بحلو ومر نقضيهـــــــــا
على درب القدر ماشييــــــــن
ورب الكون يسويها
********************
محمود وحيد