غربتي كات غصب عنِّي
بعد توهت نفسي منِّي
كنتِي جوه عيوني ننِّي
كنتي أقرب ليَّا منِّي
كل ما بيهدُّو با بني
كنت شايل لك حمولك
كنت فعلك قبل قولك
كنت نبضة دق قلبك
كنت سايبك
تفرحي مابين ضلوعي
حتى جوعي
كنت بانساه لجل خاطرك
ياما قلبي عاش ف ضلك
ياما قال لك
إن قلبي نبضه إنِّه
يعشقك في كل لحظة
مش ملاحظة
إن خيرك مش لكتفي
وإني بهتف لك بإسمك
لمَّا شق الخوف شفايفي
وإن نهرك جف نبعه
بعد ماكان نبع حرفي
وإن صدرك ضاق بحبي
صد إحساسي وعواطفي
ليه ياغاليه
تنطفي فيكي شموعي
ويوم رجوعي
ماالتقي حضنك سكن
ياترى عايزاني تاني
ولَّا في أحضان بعادك
أمشي ادور عن وطن
..................
منى الغريب
من ديوان ( خِلِص الكلام )
http://nooral7arf.blogspot.com.eg/2014/09/blog-post_28.html