"بحبك يا رسول الله" .... بقلم الشاعر المبدع / محمود وحيد

عليل القلب لو صلـــــــى
على أحمد يطيب قلبــه

ولو أعمى البصر هيشوف
بنوره سكته ودربـــــــه
حبيب المولى يا ساده
يا بخت اللى ينول قربه
حبيبى ومهجتى وروحى
وكل منايا أشوف وجهه
وأملٍى عيونى من ضيه
واعطر قلبى من يــده
واحنى كفوفى من طيبه
واسطر ع الجبين حبه
"بحبك يا رسول الله"
ومهما اوصف فانا عاجز
ومين فى الوصف كان وفًًًاك
مداد الكون ما يكفينى
ولا لغيرى المداد كفًــــاك
حروف اسمك تسيع اكوان
فى معناها القلوب تهواك
ورقة قلبك الطاهر
هدى درب اللى غاوى خطاك
يا أطهر من خلق ربى
على عين الجمال ســـواك
كتب اسمك مع اسمه
وبارك فى العُلا مسعـــــاك
"بحبك يا رسول الله"
ويشهد ع الهوى ربــــــــى
وترتيلى كتاب الله
وشوقى لو يكونله لسان
لغنى بالحنين جواه
ووصى ع الغصون اطيار
تناجى ربنا فى سماه
ينول قلبى" منى" عينه
وأتهنى بيوم لقيـــــاه
واشرب من إيديه شهده
وفى الجنة أكون وياه
شفيعى لو ما يشفعلى
ما ينفعنى لا مال ولاجاه
بحبك يا رسول الله
................
محمود وحيد