بكرا بطلوع النهار
احلى م الزمن اللى فات
والحياه وان كات مرار
برضه احلى م الممات
الحياه انك تكون
لك مواقف لك همم
والممات لو كنت دون
تحيا فى وسط الرمم
لو مالكشى اى صوت
ماشى جنب الحيط تمام
يبقى اولى تروح تموت
او تكون وسط النيام
الحياه حلوه ف شجاعه
وف شهاده لاجل حق
لو تكون وسط الجماعه
او تقول للظلم لا
اما فى سكوتك وشايف
ناس غلابه مظلومين
يبقى موتك ياللى خايف
وانت حى تقول امين
لما تطمس فى الحقايق
عن عيونا وتداريها
تظهر انك واد ورايق
وانت صاحب السر فيها
تبقى ميت وانت عايش
واللى مات فى الحق حى
بكرا تجنى ياعم طايش
رح يشوطك ريح وجى
الحياه انك تكون
شمعه بتنور لغيرك
ولا يوم عهدك تخون
يرضى على سرك ضميرك
والممات فى الجبن ياللى
عشت ايامك جبان
واللا سلبى او تمللى
عايز اقول لك ايه كمان
..................
احمد عبد الوهاب_