دوقينا يانظيمه
اللي باقي م الوليمه
وان لاقيتي ف العزومه
حاجه باقيه م الحكومه
تحت حوضنا فيه صفيحه
بس واكلاها البرومه
مصر لما الفجر يدن
الفقير من بدري جدا
يصحا يتوضا بدموعه
وف صلاته من خشوعه
السما تطرح نسايم
قوم صباح الخير يانايم
ربنا يبارك في رزقك
ياللي راضي بالقسايم
وان لاقيتي ف العزومه
حاجه باقيه م الحكومه
تحت حوضنا فيه صفيحه
بس واكلاها البرومه
مصر لما الجوع ياكولها
ينخلط زيتها في فولها
والفقارا يتدعولها
ربنا يحوش الظلومه
شوفتي اهلك يانظيمه
قد ايه قلوبهم رحيمه
وانتي لسه معيشانا
بالحداقه ف فيلم سيما
خللا كل الناس تسقف
رغم احساس الهزيمه
..........
مؤمن ممدوح