من غير رط وكلام
نهديكم التحية
ومزيد م الاحترام
ونطمنكم علينا
ولمدة ألف عام
-------------
ونبلغكم بإنا
من وقت ماغبتوا عنا
قدرنا وسنة سنة
نعدل بالصبر حالنا
ونخطي ع الآلام
------------------
ونعيش والشوق مالينا
إن ماحدش ياجينا
ألاًيعكنن علينا
ونتوه ف دموع عيننا
والدور يقلب درام
--------------
خليكم فين مارحتم
خليكم زى ماأنتم
ويمين الله أرحتم
عايزنكم لوسمحتم
تنسوا العنوان قوام
---------------
لاتجونا ولا أحنا ناجى
ولا توتو تروح لماجى
وعشان الفرح ياجى
وتغيب عنا الدياجي
إنسونا وع الدوام
----------------
إنسونا الله يجيركم
م الغل إللى ف صدوركم
ويبدلكم بغيركم
ويصحي لكم ضميركم
م الغفلة وم المنام
__________
بقلم الشاعر :
أحمد عبد الشافى أحمد