واللا امتناع
واللا ابتداع بيحسّنهُ
طعم الغبار ؟
صمتك جرس انذار
والأدعيا بيصقفوا !!
نوح النبي
بنى السفينة ف الفلاة
كت حجتهُ
الميّه جايه من السما
موسى رمى
ف الليل عصاه فاتفجّرت
اثنا عشر
قارون كفر
لما احتمى بستار غناه
فرعون طلع
ف الأرض يبحث
عن إله
أعمى البصر ازاي يشوف !!
والعقل تاه مليون سنة
فرعون طمع وقال ..أنا
ولآ بعد بعد
ولآ قبل قبل
قال الشيطان " أغويتهم "
يوسف نده ..ربي النجاة
" قدت قميصه من دبر "
سجدوا الكواكب صاغرين
يا آل ياسين
اصبر تنول
الصمت ع المكروه ثبوت
عشش حمام
على باب مغارة محكمة
والعنكبوت
نسج الخيوط متخرّمة
طه ..عرج
وبدون سلالم...للسما
صدق اللي قالك ..إنما
من بعد ضيق يأتي الفرج
ومن الموات ..مليون حياة
ومن السكوت...مليون جرس
لو بس يقدروا يسمعوا
صوت الآدان ...أو..يعقلوه .
محمد البنا