مش بايدى انى اسيبك
وإني غيري يكون حبيبك
دا النصيب هو اللي قرر
وانتي خدتي خلاص نصيبك
قلبي دمع لما شافك
في الفرح ليلة زفافك
رغم انك كنتي ساكتة
قلبي كان سامع هتافك
كنت بتنطط وبرقص
بس كان قلبي حزين
كانت الحيرة في عيوني
كان بيقتلني الحنين
كلوا كان جايلك يهني
جيت معاهم غصب عني
وأما شفت أيديه في ايدك
اندبحت وتهت مني
ياما لمحتيلي ياما
بالحنان والابتسامة
والفراق بدأ النهاردة
روحي مع مليون سلامه
لسة فاكر كل كلمة
قولتيهالي بأحلي بسمه
مستحيل انساكي لحظة
يا أرق واحلي نسمة
انتي مش هتكون ليا
بس عايشة ياروحي فيا
والنهاردة جيت اقولك
أن انا وانتي الضحية
..........
علام أنور الطويل