طلبوا منى اكتبلك شعر
وانت بردوا يكفيك شعر!!!
لوحكتب احتاج دواوين
انا حكتب لله اﻻمر
شايف صورتك قدام عينى
سامع صوتك بيقوينى
حاسس انك دايما جنبى
انك شايل هم سنينى
ودى عاده وكبرت ويايا
كنت اهد وتبنى ورايا
كنت امان ايامى يا ابويا
دوقت المر لجل هنايا
فاكرك لما سخنت ف يوم
عينك والله ما شافت نوم
سهران تدعى لرب الكون
انى اخف بسرعه واقوم
فاكرك وانت عامللى حصان
وانت بتضحك قوى فرحان
واما الميه وصلت ضهرك
بردو بتضحك مش زعﻻن
فاكرك وانا برجف م الخوف
كان صدرك ليا مكشوف
وايديك بتطبطب على ضهرى
وعيونك تحلف ما تشوف
اﻻ امانى وراحة بالى
اﻻ فرحى وسعدى ليالى
كل دا حسيته وانا ف حضنك
ما انت ابويا انت الغالى
انا مش حكتب كل اعمالك
وﻻحتكلم عن افضالك
انا حدعيلك بس يا والدى
ويارب الدعوات وصﻻلك
اشهد انك يا ابت عمرك افنيته طاهر
حاولت يوما ارثيك احتجت الى الفى شاعر
ﻻ املك اﻻ دعوات ارسلها بسﻻم عاطر
ﻻ املك اﻻ رحمات ارجوها من رب غافر
ان يغفر ذنبك يا ابت وتنجو فى اليوم اﻵخر
وتكون رفيقا لنبيه وبكل الخير تكن ظافر
وتكون الجنة مثواك ولك فيها مقام فاخر
آمين آمين آمين