لـــما الفقرى النقرى
يعافر يلقى القوت
لـــما غلابة تسيب
العشة وتـــلقى بيوت
يبقى أكيد
الخوف هايموت
****
لـــــما الحلم يداعب
علـــم ويطــرح نور
لــما الحب هايمـلى
القلب ورود وزهور
يبقى أكيد
هانخطى السور
****
لما نشوف اللمة
البسمة ما بين خلان
لـــما نلاقى شبابنا
بيسعد في الأوطـان
يبقى أكيد
النور هايبان
****
لــــما تلاقى الفـــجر
يهــل ويطــرح خير
لما الشمس تبوس
الارض وتحضن طير
يبقى أكيد
هانحب الغير
****
لــــــــــما تلاقى العدل
يعم لكل النـــــــاس
لما العدل يا صاحبي
نحسه و يبقى أساس
يبقى أكيد
هانحب الفاس
****
لـــــما تلاقى بحور
الدم خلاص مافيهاش
لما تلاقــــــى الـــروح
بتمنها مش ببلاش
يبقى كأن
الظلم ما عاش
****
ناصر على توفيق