بحبك آه وليه لآه
يا حلوه يا خفه يارقه
بحبك آه وليه لأه
ولو ها اكل ف يوم طقه
بحبك يا اللى شغلانى
وحُبك ليا خلانى
على عرشك امير عاشق
أمير العشق ف زمانى
زرعت الشوق انا ليكى
غزلت الحُب تاج ليكى
يا غنوه ساكنه ف كيانى
حلفت اليوم أغنيكى
يا نسمه طايره ف سمايا
حكايتك ايه بقى معايا
قولى لى امتى ها تهدى
وتبقى الفرحه جوايا
أنا عاشق خَضار عينك
واسمى رسمه ف جبينك
واسمك حفره جوايا
وياما شربت من نيلك
انا عايش علشانك
وبفرح لو علا شانك
يا ساكنه الننى ف عينيا
انا ساكن ف احضانك
بعيش فيكى انا يومك
ومتحمل بقى همومك
ولما الفرحه تنسانى
بقوم أجرى على هدومك
وأحضنها وتحضنى
تشيل عنى بقى همى
تشوف فيا السند ليها
تفكرنى بحنان أمى
..........................
رضا أبو الغيط
وحُبك ليا خلانى
على عرشك امير عاشق
أمير العشق ف زمانى
زرعت الشوق انا ليكى
غزلت الحُب تاج ليكى
يا غنوه ساكنه ف كيانى
حلفت اليوم أغنيكى
يا نسمه طايره ف سمايا
حكايتك ايه بقى معايا
قولى لى امتى ها تهدى
وتبقى الفرحه جوايا
أنا عاشق خَضار عينك
واسمى رسمه ف جبينك
واسمك حفره جوايا
وياما شربت من نيلك
انا عايش علشانك
وبفرح لو علا شانك
يا ساكنه الننى ف عينيا
انا ساكن ف احضانك
بعيش فيكى انا يومك
ومتحمل بقى همومك
ولما الفرحه تنسانى
بقوم أجرى على هدومك
وأحضنها وتحضنى
تشيل عنى بقى همى
تشوف فيا السند ليها
تفكرنى بحنان أمى
..........................
رضا أبو الغيط