الغنا فى الشعر معنى
والمعانى من حروف
لفى فى قصائدى هتلقى
الامانى والطيوف
والخيال يسرح بقلمى
قلمى عايش على الظروف
ابكى يبكى اشكى يشكى
لو اطوف يطلع يطوف
واما أفرح هو يفرح
يرقص الرقص بكسوف
قلمى زى الكون بحاله
ليه كسوف وليه خسوف
شمسه تشرق قلبى يدفا
واكتب الشعر العطوف
اوهب الألحان غنايا
من البداية للنهايه
شعرى دنيا ... طوف وشوف
حُب تلقى جرح تلقى
دمع تلقى فرح تلقى
والسياسه كتابتى قاتله
نبضى ما بيعرفش خوف
واللى يتحدى حروفى
عمرى ما ابقى معاه رؤف
حرفى اه طيب حنين
بس أقوى من السيوف