80 سنة
ولسة أمى شايلة همـــــى
لسة عودها طهر نادى
قلبها ما بعدش عنـــــــــــى
لسة أمى حضن دافى
دقها للحـــــــب صافى
إيد بتدى ومهما تدى
عمرها ما تكل منـــــــــى
جوة منها الخير براح
لمسةبتداوى الجراح
بسمة مليانة بمحبة
كون وبيسيعنا تملــــــــى
===============
يااااااااااااه يا أمى
===============
يااااااااااااه يا أمى
بعد كل العمر ده
بعد ما شقيتى وتعبتى
يبقى ليكى الرد ده
الحياه تبعدنا عنـــــــــك
وانتى راضيةوكاتم همك
رافضة حتى يبان عليكى
رغم انك مش كدة
روحنا وبعدنا ونسينا
وانتى لسةبتعشقينا
عايشة لسةفى توب طيابتك
كل دقاتك رضــــــا
============
لأ يا أمى ما نستاهلش
============
لأ يا أمى ما نستاهلش
إحنا فرطنا فى حقوقك
خدنا من عمرك خضاره
لما شاب دمه ف عروقك
الحياه ضحكت علينا
وانتى أحوج منا لينا
توهنا عن حقك يا غالية
وانت ما ضليتى شوقك
طمعانين يا امة ف رضاكى
وف صلاتك وف دعاكــــــــى
ربنا برضاكى يرضـــــــــــــى
جنته من سر جــــــودك
............
محمود وحيد