أنت طلبت الهجر ونولته٠٠
راجع طيب تندم ليه٠٠
راجع نفسك شوف ايه قولته
وأنت هتعرف علشان ايه٠٠
قلبي أتغير من أوجاعك٠٠
وأنت مصر تعذب فيه٠٠
ذنبه انه في لحظه ما باعك٠٠
وأنت تملي بتبيع فيه٠٠
دمع عنيه اللي أنا مش حمله٠٠
تفرح ليه لما تلاقيه٠٠
أنت عدوي ولا حبيبي٠٠
ولا حبيبي أنا هونت عليه٠٠
آسف جدا مش راح أكمل٠٠
طيب أكمل وياك ليه٠٠
ايه الداعي أعذب نفسي٠٠
واجرح قلبي وأبكي عليه٠٠
أنت طلبت الهجر ونولته٠٠
أياك تسأل علشان ايه٠٠
أنا لو هحكي عذابي في حبك٠٠
ألف ديوان مش هتكفيه٠٠
علشان أسامحك سامح نفسك٠٠
واللي بيزرع شيء يلاقيه٠٠
بعد ده كله عاوزيني أحبك٠٠
طيب احبك علشان أيه٠٠
أنت طلبت الهجر ونولته٠٠
واللي زرعته بتحصد فيه
...........
عادل شوقي إبراهيم