دق الهوى ع الباب
انا قلت مين بيدق
قاللى معايا احباب
ليهم قلوب بترق
جايبين معاهم دوا
من اجزخانة الهوا
ترياق لقلب انكوا
م الحب يوم وانشق
"""""""""""""""""""""""""""""""""""""""""
فتحت باب الغرام
لقلبى كان موجوع
رفرف عليه الحمام
غنى بصوت مسموع
لقلب كان حاير
ويا اﻻنين داير
بجناحه قام طاير
فراشه وسط زروع
"""""""""""""""""""""""""""""""""""""""
طرح اﻻمل جواه
بعد اما كان مفقود
قال عمرى يامحﻻه
دلوقتى انا موجود
دلوقتى فيا الروح
طابت كل الجروح
سرى حقوله وابوح
يسمع كل الوجود
"""""""""""""""""""""""""""""""""""""""""
بعد اما هام وانتشى
فى الحب واﻻحﻻم
وخد ميعاد ف العشا
حضرله احلى كﻻم
قام سد عقله الباب
قاللوا كفيانا عذاب
حقولك اﻻسباب
ومفيش عليا مﻻم
""""""""""""""""""""""""""""""""""""""""
خايف من اللى جى
يصبح كما الماضى
يطفى الشموع والضى
فى قلب كان راضى
بلوعته واساه
لسانه خد ع اﻵه
عايش وكل مناه
يدق ع الفاضى