قرب لى الزووم ..قصيدة ردا من الشاعرة / ولاء عدنان على الشاعر مصطفى تيسير

 ..

..

قربلى الزوم ده شويه..

هات بقى كل التفاصيل..

مين قال العشق شويه..؟

مين قال الحب قليل..؟

أظبط بقى كده زاويتها..

ركز على كل أصيل..

ومتنساش جوا الكادر..

هاتلى الناس الشقيانه..

إللى ماقالت آآآآه يانا..

الصوره بزاوية ميل ..

الجوع بيهد الحيل ..

و المصرى آصيل من يومه..

دايماً يتحدى همومه..

عالم أستاذ فى علومه.

مجدى يعقوب وزويل..

يابهية إنتي المحروسه..

وف وسط الزفه عروسه..

شمس ف عز الصبحيه..

قمرايه ف وسط الليل..

شوقى ونجيب أولادك..

سيد درويش ومنيره..

على عرش الفن آميره..

المصرى أصيل من يومه..

إن نام فى قصوره العاليه..

أو نام حتى على حصيره..

المصرى بطبعه أصيل..

قربلى الزوم ده شويه..

هاتشوف كل التفاصيل..