أنا مش كسلان
انا بس ف حاله من الهذيان
احزان بتروح وتجيب احزان
فبفضل افضفض للكتمان
واستنى الثانيه تشد الثانيه من القضبان
والساعه تقولى كفايه حرام
انطق اتكلم اى كلام
ماتسيبش الحزن يدمر منك كل كيان
افتح لبحور الشعر دراعك
خليها تحفف اوجاعك
خليها تلملم من قلبك كل الاحزان
انا زى الطير
ولكنى اسير
مش قادر الطير
وجناحى مكسور
مستنى اللحظه اللى اشوف فيها خيوط النور
واعدى السور
لكن قلبى بايت مكسور
والفرح مالوهش ف قلبى مكان
عرفت يا عمى انا ليه كسلان