مع اخر لحظه صدق
ف حضن الليل
بتلاقى القلب اساسا
متبنج
بيقول تخاريف
بيهرتل ضحكه
ومخنوقه
بعواصف صيف
وبيربط نفسه ف ورق
الشجر المتكوم
بين حضن رصيف
احساس تخاريف
راسم تفاريح
ع الوش العاجز من جوا
مليان تجاعيد
والاصل ضعيف
وف حضن الليل
بيكوم نفسه ويحضنها
يتلكفت من برد العتمه
بلحاف الحلم المترقع
بشويه خوف
ماهو اصلا خوف
ماهو اصلا حلم ومتعلق
فحبال مفتوله
ف صوره طيف
احساس تخاريف
بيحسه القلب المتبنج
من فعل العشق
المتحاوط بالموت