ياااااااا حبها
بالله عليك اكبر كمان
اكبر قوى
عاوزك تعدى حدود مشاعرى وتبقى عطر
يشموا كل اللى يقرب ناحيتى
عاوز تفوح
عاوزك تغرق جتتى
انا عاوز اتعطر بها
ياااااا حبها
غيّر ملامح دنيتى
خلينى أتوب
كل الذنوب ارمينى أبعد منّها
وصلنى أول قلبها
يااااا حبها
وحياة مقام العاشقين
اللى انت عيشت ف قلبهم
وحياة دموع المغرمين
اللى انت يوم عذبتهم
وحياة ليالى المحرومين
اللى انت رحت وسيبتهم
خلينى عاشق مختلف
وتحبنى انشالله حتى بنصها
ياااااا حبها
روح قول لها الشوق على وشك الهوس
وان انت علشان عندى كنز
انا جيبت لك حبة حرس
وانك فرس عمال بيجرى ف مهجتى
ووصلت حد المنتهى
يااااااا حبها
اسألها بعدك تانى ايه
علشان صبحت بإسمها
إسمك هى
شكلك هى
روحك هى
وانا هى
طب ليه بقى هيه
بتزعل منّها
يااااا حبها
......................حمدى موسى