راضي بقليلي
راضي انا بالحال
جايز قليل المال
وعندي خمسة عيال
لكن ف راحة بال
ما سألت حد سؤال
بكفاية عيشتي حلال
ويفيد بأية المال
والصحة مهدودة
دي اللقمة وايا النومة
و النعمة موجودة
فيه ناس صحيح فقرا
وقلوبها مسعودة
وناس معاها كتير
ودنيتها محدودة
كل اما تمشي في طريق
سكتها مسدودة
العيشة كدة احلي
اصل الكتير وحلة
وف آخر الرحلة
الكل يتساوي
في ترابه يتاوي
وساعتها مين حيغيت
غير هو رب مغيت
عالم اكيد بالحال
وحيصلح لنا الاحوال