ايه حاصل ضرب وجع ف أنين
علي قلب برئ
مقسوم..نصين
مليان بحنين
مجموع علي نار..
ممنوع م الفرح ف ليل ونهار
ايه يساوي الدمع ف حزن العين
مين يعرف ايه دبح الشرايين
من أغلي الناس
من غير احساس
والحب دا ايه..ونجيبه منين
ودا مش مزروع ... ولا فيه مشروع
يضمن يتخضر تحت حصار
موجوع وبيضرب فيه موجوع
وضلام بيطفي امال وشموع
ولا فيه ترحال
ولا حتي خيال
يطلع م الاه ..لو صوت مسموع
او تلمح عيني ندي الازهار
والعمر معدي ومش هيعود
واتمني ارجع لك ناي او عود
بين لحن حزين
ايه حاصل ضرب وجع ف أنين