مش قاد اقول انى بحبك ٠٠
ولا قادر ابوح٠٠
قلبى المجروح٠٠ حابس
جواه تخاتير حبك٠٠
وسعات البوح لسه بعيده٠٠
يمكن هتكون ٠٠مع اخر نزعه
فى طلعة روح٠٠
جسمى الدبلان٠٠
ده جمالك بيفوت كيلوباترا
بحدود وحدود٠٠
وانا الموعود ٠٠اتلسوع
جوه نيران حبك٠٠
مين غيرى انا يتحمل
حبك ٠٠فيه صد ورد٠٠
فيه جذب وشد٠٠
ولعبنا انا وانتى الحبل
كتير٠٠
وانا كنت تملى بكون
مغلوب بس بكيفى٠٠
علشان المح فى عنيكى الفرحه٠٠
وامسك ايدك لما اجى اقوم٠٠
كنت اطفش من بيتنا
واجيلك٠٠ كيف المجنون
لازم اشوفك٠٠
فاعلى الصوت٠٠
فساعتها تبصى من الشباك٠٠
المح وشك يرتاح بالى٠٠ كان عقل عيال٠٠
دلوقتى يا ست الكل محال٠٠
محسوبه علينا الخطوه والافعال٠٠
والناس وراهاش٠ ٠غير
بت فلانه وولد فلان٠٠
ويا رتنا فضلنا زى زمان٠٠
يا حبيبتى عيال٠٠
على راى الست٠٠
ولانى بجد عزيز المال٠٠
ممنوع على قلبى انه يقرب٠٠
ويدق الباب٠٠
الحبل يا ست الكل اهو داب٠٠
ولا عاد متحمل جذب وشد
٠٠الحيل انهد٠٠ مع انى انا وانتي٠٠
لسه شباب٠٠
وبدون اسباب٠٠ ليه
يبنوا ما بينى وبينك سد٠٠
ولا عدت اقدر اهده واجيلك٠٠
من حسرة قلبى على فراقك٠٠
الدمع مسرسب فوق الخد
٠٠الحيل انهد
٠٠مع انى انا وانتى لسه شباب٠