رباعيات الشاعر أحمد عبد الشافى أحمد

الحلقة السادسة

من ربُاعياته الكاملة

للشاعر أحمد عبد الشافى أحمد

عضو نادى أدب المطرية

____________________

(حال العرب)

************
قــالـوا ف العلـن والسـر
حــال العــرب مـايسُـر!
أنا قلت عــــارفين ليه ؟

أصــل الـتـشتُت مـــــر

ــــــــــــــــــــــــــــــــــــــــــــــــ
(الحذر مطلوب)

**********
لو عشتى قصة حب يبقى الحذر مطلوب
عشان ســاعات القلب بيدارى أي عيوب
ويحلى كــل الصــــور لـو حتى بالمقلوب
وكتير بيبلع زلط للاسمه قـــال ! محبوب

ـــــــــــــــــــــــــــــــــــــــــــــــــــ

(تصرخ الآنات)

*************
إللى بـنـا لسـه بـنـا رغــم ظـنـِك انـــه ضـــــاع
إللى بـنـا لـسـه بـنـا رغـــم حـرصِك ع الوداع 
آه يـانبـض الـقـلـب لـمّا تبقى عـاشق قـلب بــاع
تصرخ الأنات ف حجرك ترفض الدنيا السماع

ــــــــــــــــــــــــــــــــــــــــــــــــــــــــــــــ
(رغم إيماني)

***************
رغــم إيـمــــانــي بـحُـبـك ليا
كـوني ألجــأ لِك صعـب عليا
مش علشان خايف من طبعِك
لأ علشـان مـش طـبع دا فـيا

ــــــــــــــــــــــــــــــــــــــــــــــــــــــــــــــ

(أفضل وطن)
يا ساكنة ف الروح والبدن
ياقـلـب مـوصوف للـسكن
يا غــالية وبرغــم المحـن
حضنِك أكيد أفضل وطن

ــــــــــــــــــــــــــــــــــــــــــــــــــــ
(رفضت أبقي)
رفضت أبقي كما خــالي 
عشان شوفته كــدا خالي 
لا يعرف إيه عليه واجب
ولابيسأل علي حــــــالي

ـــــــــــــــــــــــــــــــــــــــــــــــــــــ
(علي كيفك) 
يا نـاظـــر للحـــرام ساعة
علي كيفــك وليك ســـاعة 
ح تتحــاسب أمـــــــام الله
علي العصيان وع الطاعة

ــــــــــــــــــــــــــــــــــــــــــــــــــــــ
(اجلهُم حان)
انا عمي .. وفين عمي 
وفين راحو ابوي وامي
اجلهُم حــان وفــاتــوني
لكن لسه ! هنا ف دمي

ـــــــــــــــــــــــــــــــــــــــــــــــــــــــ

(وجع ف القلب)
يا طاحن الصبر بالكيلة وبالأردب 
عشـــان تشفي وجـــع ف الـقـلــب
بلاش الطحن وتعالي
هنتعالج سـوا بالحُب

ـــــــــــــــــــــــــــــــــــــــــــــــــــــ

(بيت وحضن)
مُهداة من الشاعر إلى محبوبته الأولي مصر
_________________

انا مش محتاج الا لحُضنِك 
ولا عـايز بيت الا ف قلبِك 
ماانا أصلي مافكـــرتش أبداً
غير إني أدوب بس ف حُبِك
ــــــــــــــــــــــــــــــــــــــــــــــــ

(النخاس و العبيد)

************
عـفــواً يا نخــــاس العبيد
قد قـــرر الشعب الـرشيد
بالضبة يقـفـــــل صفحتك
لو حتى مات مليون شهيد

* كتبت هذه الرُباعية في أعقاب حادثة إستشهاد الضباط والجنود
على يد جماعة الإرهاب في سيناء

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

(الحب والفلتره)

************

فلترت عشــــانهُ الحب
عكــرلي بهجرهُ القلب
خلاني بقيت من غلبي
اشكـيـه دايـمــاً للغلب

ــــــــــــــــــــــــــــــــــــــــــــــــــــــــــــــ

بقلم الشاعر :
أحمد عبد الشافى أحمد
عضو نادى الأدب بقصر ثقافة المطرية

(ملحوظة  نظرا لظروف المساحة تم اختيار هذه المربعات  من بين ما ابدع الشاعر  وحذفنا التواريخ ..وذلك لظروف النشر )