مستنى أكتب إسمنا
فوق التراب على أرضنا
وأرسم كمان صوره علم
والصوره تبقى بدمنا
أنا الحياه ما تهمنيش
مش شرط أبدا يوم أعيش
نَفسى واهبها ف حبكم
من أجل مصر اليوم تعيش
أنا إبن مصر وشعبها
عاشق سماها وأرضها
عابد إله واحد أحد
زارع ف قلبى حبها
أنا جندى من ضمن الجنود
حالفين نصون كل الحدود
حالفين نفوق ونبص فوق
ونعدى فوق كل السدود
مؤمن موحد بالإله
وبلدى دى طوق النجاه
عشانها أحب اموت شهيد
وأوهب لها هى الحياه
حتى اسألوا عنى الهرم
والنسر فى قلب العلم
أنا الشجاع مش اللى باع
أنا الحِمى للى إنظلم
...................
كلمات / رضا أبو الغيط