ايوه انا مشروع شهيد
رايح الجنه ومتكفن بتوبي
لاجل مالقى ليا عيد
في السما طاير ارفرف
جرحي ينزف
دم اخضر
ريحته مسك
وكله عنبر
بس انا مستني دوري
رايح الجنه اكيد
مش هايفرق يوم معايا
المكان ولا الساعات
اصل عشت العمر ميت
عمري ميت من سكات
مش هايفرق
مين معايا ومين عليا
ولا مين هايموت فــ بعدي
ولا مين هايقول آهات
عمري كله عشت مش عايش هناك
دم ينزف قلب يرجف
مـ الالم مـ الامنيات
ايوه انا مستني دوري
لاجل مالحق اللي فاتوا واللي ماتوا
واللي اسماءهم بقت مــ الذكريات
..........................
للشاعر / حسام الجلاب