وليه سهران ؟؟
وليه بتداري في الأحزان ؟؟
ما بكره تروق ...
وتحلوّ الأماني كمان
==============
ويطلع فجرك الزاهي ...
ما بين العتمة بيلالي
بصرخة " ربي .. يا إلاهي "
يتجلى عليك رحمان
==============
وفضفض في الفضا همك ...
ونور الفضة على كمك
ينقط من وضوء الليل ...
وتسقط منه أحزانك
كما القطرة على الأغصان
==============
وتسقط منك الدمعة
على خدودك في يوم جمعة
من الرغبة ... من الرهبة
وإنته بتقرا في القرآن
==============
فمهما طال عليك الليل
فاصبـــــــــــــــــــر ...
بس صبر جميــــــــــل
بدون الشكوى للمخلوق
وزي ما قلت في الأول ...
ما بكره تـــــــــــــروق
وتتفتح بيبان ... وبيبان
==============
وبكره تترسم فرحة
على الشبـــــاك ...
ينادي مـــــــــلاك
يا كاتم في الفؤاد حزنك ...
جايبلك فرحة بالألوان
==============
وبعد الليل حييجي نهار
بفضل دموع في الاستغفار
وبعد الفجر ييجي شروق
وفرجه من بعيد حيبان
*****************
بقلم / أحمد صالح
(الشاعر العاشق لمصر)